David Webb都幾薑‎

(轉貼自: Mar 2005 記者討論區 www.voy.com/17883/ )

嘩David Webb都幾薑, 希望佢能為小股民的利益公正而戰! 狠狠打倒私人俱樂部的既得利益團體的籠斷霸業. 恭喜! 恭喜! 希望從始有更多些代表小股民利益的代表能參與交易所政府決策及管理. 小股民是股市不可缺少的重要部份, 理應按market mix比例委任代表小股民利益的代表! 香港股市需要多些正義戰士代表小股民利益, 而唔係靚仔財經演員明燈之類呀! 報紙話交易所股東會有股東當場篤主席李業廣(生果報叫佢做股壇教父)太優柔寡斷. 如果佢真係咁樣, 點夠資格做主席呀?

點解老懂係都要留住佢(寧願唔撐自已隻左右手, 連咁高的財長的威信都要狠狠犧牲咁無團隊精神)做主席呀? 請問留住佢誰等有好處呀? 大家在電視上看他在立法會答議員查問佢作為交易所主席在仙股退市事件中做過乜野時, 大家認為他的表現如何呀? 若果來年再來一次類仙股退市事件又會如何呀? 好多年前政府一早話明要取消最低經紀佣金制, 但就搞交易所上市俾股票經紀賣股good水發財而保留交易權, 當年經紀好贊成搞交易所上市. 現今好多經紀早己高價賣了股, good左水, 發左財, 但就又反過來鬧政府要取消最低經紀佣金制害死佢地.

而今日交易所股東大會佢地咪無投票權, 好公道呀! “佣金二級制遭否決” 做得對, 好, 咁先至對全港小股民公平! 這是自由市場, 自由議價, 為乜要偏袒保護小經紀而欺負小股民呀? 而大戶大鱷就可以低佣金去輕風作浪嗎? 唔係上街示威就可以惡晒呀! 咁其實亞虫今次係為正義而戰只不過屈服於佢個上司權威嗎? 咁以前佢地上頭幫人當年放水俾星島個前老板娘胡仙事件, 放水俾拍丸仔的法官個仔事件, 批平地俾…..等都成世人皆知的香港歷史的一部份, 為乜亞虫尚未明重要踩既得巨大利益者個鐵竇阻人搵大茶飯?

若果ICAC係獨立直接向北京黨主席匯報或直接向總理負責而唔係向特首又會有乜唔同呢? 蘋果話今次係股壇教父出招贏盡了正在落魄的亞虫, 但點解上次細價股事件就縮在神童鋼背後垂頭避禍話只係名義上主席而不理事的嗎? 當然, 俾得你叫得做教父, 就會有好多人跟佢生活, 同好多團體有交往, 天(京)地線通. 記得冇? 超人隻 “貪多金” 當年上市都係要佢地個獨立委員會批出幾項特權至可以上市good咁多水, 連郭富豪都唔詆得而又話 “生意網” 都應得到個獨立委員會批出些上市特權啦! 齊齊good 小股民水啦! 連咁多富豪上市good水都要佢地個獨立委員會批, 你話依個獨立委員會影響幾多人搵大茶飯? 係幾多人要???

好同意何順文教授及其他大學學者們在昨晚各電視訪問中所說, 審批上市權與交易所的利益衝突問題怎也有. 影響市場中既得利益人仕團體利益(是等於影響人地搵食??). 到底這還是一個私人俱樂部嗎? 還是私家會所圍內人利益只准圍內人玩嗎? 當然, 個報告寫成咁, 予某些人覺得掉佢地面子, 影響江湖地位聲譽, 咁就有人會只為個人面子而戰. 而審批上市權搬遷過會, 會否會令某些既得利益人仕團體的將來利益有影響呢? 而迫使既得利益人仕團體用盡其人脈(可能包括北方友好關係, 咁一國二制就可能解作 ”京可制港” 政策, 而港依京眼色行事而 “不准制親京友好人仕利益” 嗎?)去迫老懂出手震壓, 不准改革以望在位期間平穩渡過了事嗎?

飛天豬咪講, 若果審批上市權交俾証監會, 太集中証監會, 貪污問題將會好嚴重. 但佢就無講現今做法貪污問題和既得利益人仕團體的利益是否也好嚴重? 乜飛天豬對証監會的貪污問題咁無信心? 希望佢可以爆下料!

你話香港這二十幾年來有無上市委員會委員直接或間接收過黑金放過水? 吃過保薦商請吃的鮑魚紅酒, 免費嫖妓招待之類野???