教你如何利用 “公司管治” .
若然懂得用, “公司管治” 是一塊膛膛皇皇, 呃神騙鬼的大招牌, 幫CEO(和他的管理團隊利益小圈子)蠶食公司招財進自己私人個袋. “公司管治” 是一塊擋箭牌, 也是一個外表美觀的包裝盒掩蔽著內裏不為外人見的醜惡腐敗. 因為有一個外表美觀的包裝盒, 外人的印象就會好就可以向外賣高高的股價.
一般人聽到“公司管治”, 就立即直接聯想, 繼而假定該公司真係有 “真實執行” 和 “有效” 的完善監察制度去監察公司的運作避免管理層作弊, 更會有獨立(無乜利益瓜葛)”可以信賴”的獨立董事去監察及平衡大股東, 管理團隊和小股東的利益. 但在香港咁多奸商和蠱惑CEO操控下的上市公司, 實情會係點? 就講講蠱仔你聽聽:
(一)”自己友” 當所謂的獨立董事.
大股東和CEO最常用的招數, 是從自己家族有長久生意往來的友好商人/專業人仕或深交摯友中, 挑選一些識撈/識睇大股東和CEO面色的”自己友”當所謂的獨立董事. 咁由獨立董事們組成的薪酬委員會去評定董事會主席和各執行董事的薪酬福利(花紅及平價認股權)時就順順利利要幾多批幾多. 當然最好叫件人力資源總監整色整水, 好似寫電影劇本咁作番份配合劇情的所謂市場薪酬調查報告存檔配合配合. 獨立董事猛加執行董事的薪酬福利(花紅及低價認股權), 咁執行董事都會識做俾獨立董事多多董事袍金回敬. 其實互惠互相照顧!
當公司出現大股東和小股東的利益事務決斷時, 實為自己友的當所謂的獨立董事, 當然暗裡也識做啦.
所以公司管治包裝內的什麼所謂的獨立董事, 所謂的什麼一年只開幾次會議的審計委員會, 薪酬委員會, 信貸委員會…………. 委員會, 都全由CEO一人扯線而矣. 其實咪又係一言堂獨裁統治!
(二)有些人誤以為董事會主席和CEO由不同人擔任就係良好的公司管治. 其實, CEO就可以用公司管治這一塊大招牌, 令董事會主席安心把全個公司交由個CEO任鬼舞! 只要cover up做得好, 任他上下其手無皇管啦. 試問董事會在一年365日內只會開幾多次會? 試問一年只開幾次會就可以知曉到乜野和實質管到乜野??? 好比, 假若醫管局的董事會每年只會開4次會, 每次關在醫管局總部的會議室開2小時會, 咁你話醫管局的董事們那知甲醫院前星期一打錯針, 乙醫院前天開錯刀, 丙醫院今天有個院長運用職權謀私利, 丁醫院腐敗大浪費公帑…….?
(三)搵股東笨瘋狂發送低廉職員認股權益自己
你有無發現上市編號665, 身為金魚缸的 TAIFOOK SECURITIES 大福證券行, 自上市以來的歷年股價升跌時間與其發送低廉職員認股權明益管理層(執行董事和其小圈子利益集團), 及他們換股及在市場拋售換真錢的微妙?
有否有人會在想發送一批低廉職員認股權明益管理層(執行董事和其小圈子利益集團)之前, 先行示意班股市莊家及其友好大, 先放軟股價, 壓底個市價一輪時間, 才膛而皇之咁公佈, 就用前一星期的平均收市價打個拆頭作為認股價發一大批低廉職員認股權明益管理層. 那班自封為金融警察的高薪的聯交所同證監會官僚, 既唔識亦懶鬼理啦. 其實, 若然想未鼓勵職工為公司努力, 就反而應該發高於市價作為認股價的職員認股權証, 去吸引職工為公司努力, 公司業績好, 股價才會好, 他們的職員認股權証才有價值. 但665大福證券行發行的是以市價打個拆頭作為認股價的低廉職員認股權, 咁即係就算公司業績無改進, 他們已先賺硬個折頭啦!
若股價只是因通漲因素而上升, 咁即係就唔使努力為公司賺硬啦!
更何放他們會配合友好莊家及其友好大崔到股價高高後才出貨換真錢落自己袋? 那班自封為金融警察的高薪的聯交所同證監會官僚, 既唔識亦懶鬼理啦.
(四)刻意保留不合時的條例
665大福證券行的CEO 黃紹開 PETER WONG, 身為香港政府委任的香港公司法法律改革委員會委員, 也曾任證監會委員會委員, 也曾任聯交所上市委員會委員, 也曾任聯交所理事, 掛過咁威水公職多名, 他做過乜? 有過乜貢獻呀??? …….. 明明知道香港條例的大漏洞而唔去修例? 明知今時今日間間上市公司都用電腦日日結算帳目, 管理層至一大班部門主管經理, 有咁多人日日都會推測到大約該公司盈利如何, 也可推測自己公司公佈業績會如何. 而現今不合時的條例給予公司在結算日至業績公佈日中間很長的時做野, 而只對幾個董事有一小小段業績公佈前的禁止買賣期限制. 咁其實, 間間上市公司都用電腦日日結算帳目, 好好壞壞有咁多人一早可以推測到十之八九喎, 你話有幾多人有咁鬼長時間早知咁多堅料會點? 他為乜明明知道香港條例的大漏洞而唔去修例? 留番黎發財? 可以有更寬裕的時間俾自己合法地出貨入貨? 可以有更寬裕的時間俾自己友合法地出貨入貨? 其實, 他們用扯線的友好口己很足夠做野啦!
小股東們見人地某某學會公司管治獎喎, 就接他們如此這般的貴貨, 冤唔冤枉呀? 係咪俾某某學會害死?
這就是真實的公司管治?
互相抬舉? 俾面派對? 自己友擦自己友鞋? 如此這般就拿到香港董事學會頒發公司管治獎? 如此這般就拿到香港會計師公會頒發公司管治獎?
你會買拿到香港董事學會頒發公司管治獎的公司的股票嗎? 你會買拿到香港會計師公會頒發公司管治獎的公司的股票嗎?
1 則留言:
哈佬! 寫 “hkcorporategovernance.blogspot.com” 的博客友, 你好!
看了你個博客的文章, 很有共鳴感! 他們都是受過高深教育, 衣冠其外奸毒其中的斯文敗類, 玩弄學會扮公司管冶專家, 其實掛羊頭賣狗肉, 整色整水呃神騙鬼的金融海盜, 社會毒瘤!
看了你個博客的文章之後, 我再想一想, 有點熟悉喎, 以前似已曾看過的, 便上網人肉搜索搜索, 噢, 原來很多年前早己分別出現在蘋果報網的讀者回應區, voy.com/小圈子記者版, 王岸然個香港人民網討論區, 梁國雄個長毛網討論區 等等. 原來, 閣下是搜羅天下各網友精品集於此博客, 好, 好方便大家一口氣看個飽. 不過, 我還找到下列相關相似的轉貼如下, 給你看看評評如何?
(1) 轉貼自voy.com/小圈子記者版 咪鯉:
今天388港交所股價升破250元, 回憶當年665大福證券把所持有的388港交所股票在十九元幾就急急賣掉了, 證明大福證券班管理高層真係金融財經專家的投資才華喎! 點有資格教人投資呀? 隋隋便便去問個在耀才扲機的散戶阿伯阿婆都叻過佢地多多啦!
當年665大福證券業績欠佳, 班管理高層點派花紅俾自己好呀? 咪急急賣掉(當年港交所上市時作為港交所會員而分到的)大批388港交所股票去唧番高個盈利數字, 該年才能交到數去派花紅俾自己作為管理高層? 否則邊可以咁豪去包肉女歌星, 繼而資助力捧肉女歌星改包裝, 及冠以歌唱家的高檔排頭去665班管理高層的相關友好辦的annual ball演唱揚威呢? 今天388港交所股價升破250元, 即係665大福證券班小股東其實唔見左幾多資產呢? 咁就有香港會計師公會, 及香港董事學會頒發公司管冶獎喎? 財可通神棍? 誰真識趣? 誰真俾面喎? 其實, 若果果班管理高層等錢使咪又大批發大折扣低價員工認股權證俾自己去行使吐現咪得, 使乜咁賤價賣掉388股票?
**
(2) 轉貼自voy.com/小圈子記者版 壺虜堅:
665大福證券班管理高層何止識替自己搵野草食, 助d公司打莊維持交通袋袋管理費之外, 更識睇風頭龜縮飛走. 比如:-
a) 當年九十年代中, 證監會立案傳見並調查萎林鯉(歷任鄉江證券經紀會副會長), 佢自己知自己事啦, 見勢色好Q唔妥, 佢醒抓, 尚在證監會調查期間, 立刻話老婆迫著要移民加拿大, 咁就全家飛走了. 證監會要公司交人才能結案, 某人就迫阿興叔(當年其中一個董事, 係沙膽桐老伙記)認頭, 但阿興叔話此鑊根本同佢個部門無關, 凌願唔撈董事個位都唔做人家替死鬼. (自此一案後, 個坐館學精了要預早養定幾件替死鬼備用才安全, 聘備用替死鬼d人工係公數之嗎, 並且要佈線接通官門關照關照)
咁幾年後, 聞得香港結了案, 雨過天清, 佢在加拿大又無乜好撈, 都未坐滿移民監就急忽飛番香港, 重投老契門下, 再重新建立打莊部, 再重新握控叱吒香港股壇風雲了. 以他當年佢打莊捧紅了 Benelux, 93添利, 1229雅域, 480香港興業((咁佢同佢個坐館向香港興業買樓平幾多? 有乜優惠?)), 等等威水戰積的江湖地位. 又比如佢地常常在行家面前引以為傲顯示武功高強的當年名為” 剃人頭者佢亦剃佢個豬頭”的戰役. 九十年代初, 佢與大褔個坐館合力帶領台灣佬財團詛擊大小劉隻愛美高旗艦, 佢地玩殘大小劉, 嚴懲教訓大小劉, 剃人頭者佢地亦剃佢個豬頭! 誰不聞風喪膽? 又再話說當年, 神童輝打莊隻286金匡舞高弄低都係靠佢老兄愛護用大褔支大水喉射住咋! (當然, 其實神童輝早已窮途沒路, 早已多間銀行都唔放水, 點重會有錢還孖展? 大撇爛帳! 665大褔班小股東又唔好彩啦, 半隻鮑魚一啖紅酒都無食過羅兆輝的就也要替人填債! 665大褔班小股東係咪好無陰功? 死難暝目?)
b) 當年九十年代中, 證監會立案傳見並調查在百富勤當銷售的言午人義先生, 佢自己知自己事啦, 又見勢色唔妥, 佢又係醒抓, 尚在調查期間, 立刻帶同孩兒舉家移民澳洲, 咁就飛走躲避了風頭. 咁幾年後, 聞得香港結了案, 佢在澳洲都未坐滿移民監就急急飛番香港搵米開飯, 唔敢再去百富勤討飯食, 江湖兄弟指路, 只有665大褔阿公能通黃黑兩道, 包可以幫佢再番到個證監會牌照, 咁咪加入665大褔跟阿公撈番個雙花紅棍舞高弄低叱吒香港股壇風雲.
雙花紅棍舞得鬼神驚, 1998年佢負責睇的戶口中, ”873 GKC德國廚櫃” 大股東爆了一刑事大鑊, 873 GKC 除牌, 665大褔也要撇大筆壞帳錢, 但奇就奇在佢全不用揹鑊, 更獲頒發五十萬元夏天特殊花紅(但規定只准用來買入665大褔股票並須持股六個月). 公司咁Q好, 所以真底佢拿到公司管冶獎!
**
(3) 轉貼自轉貼自voy.com/小圈子記者版 咪鯉:
最無良而又最叻水的應該選惶軼恆了, 話說當年佢掌管行政部, 有一群辛勞勤奮的研究分析員, 常常自動OT星期日也無水補. 當年分析員左高峰先生因夏天星期日辦公大廈無冷氣, 便向行政部申請小型電風扇一把, 只百餘元的風扇仔吧了! 但惶軼恆堅決不批, 更質問為何要OT, 浪費照明電費? 左高峰先生面對此所謂的專家(從來都無人知佢專乜Q家乜Q的怪獸)憤而辭職! 職員間有人反問, 此人常用公司會席, 帶他的一群女友豔婦去皇朝會所豪飲豪食, 一次都報帳幾千元啦; 佢用公司游艇帶一群女友豔婦出海睇肉食海鮮, 一次都報帳幾千元啦, 夠買幾十把風扇仔了! 朱門狗肉臭, 路有凍死骨的公司管冶呀!
**
張貼留言